ROMA 8 : 18 ~ 3018Giisip ko nga ang mga pag-antus niining panahona karon dili takus ikagtandi sa himaya nga igapadayag ra unya kanato. 19Kay ang tibuok kabuhatan nagapaabut nga mahinamon sa pagkapinadayag sa mga anak sa Dios; 20kay ang kabuhatan nailalum sa kakawangan, dili tungod sa kaugalingong pagbuot niini, kondili tungod sa pagbuot niya nga mao ang nagpahimutang niini diha, uban sa paglaum; 21kay ang kabuhatan ipahigawas ra unya gikan sa kaulipnan sa pagkadunot, ug makaambit kini sa mahimayaong kagawasan sa mga anak sa Dios.
22Nahibalo kita nga ang tibuok kabuhatan nanagduyog sa pag-agulo sa pagbati hangtud karon; 23ug dili lamang ang kabuhatan ra, kondili kita gayud usab nga mga nanagpakabaton sa unang mga bunga sa Espiritu nagaagulo sa sulod nato samtang nagapaabut kita nga mahinamon nga pagasagupon ingon nga mga anak, nga mao ang pagtubos sa atong mga lawas. 24Kay diha sa maong paglaum nangaluwas kita. Apan ang paglaum nga makita dili paglaum. Kay kinsa bay nagalaum alang sa butang nga iyang makita? 25Apan kon magalaum kita alang sa butang nga dili makita, nan, magapaabut kita niini uban sa pailub.
26 Sa ingon usab nga paagi, ang Espiritu motabang kanato sa diha nga magmaluyahon kita; kay kita ugod dili man makamaong moampo sa hustong inampoan, apan ang Espiritu mao ang mangunay sa pagpangamuyo alang kanato uban ang laglum nga mga pag-agulo nga dili arang malitok sa pulong. 27Ug siya nga mao ang nagasusi sa mga kasingkasing sa mga tawo nasayud kon unsa ang hunahuna sa Espiritu, kay ang Espiritu magapangamuyo man uyon sa kabubut-on sa Dios alang sa mga balaan. 28Kita nasayud nga diha sa matag-usa ka butang ang Dios nagabuhat ug maayo uban kanila nga mga nahigugma kaniya ug mga tinawag sumala sa iyang katuyoan.
29 Kay sila nga mga giila niyang daan gikabut-an usab niyang daan nga mahisama sila sa dagway sa iyang Anak, aron kini siya mahimong maoy panganay sa daghang mga magsoon. 30Ug sila nga gikabut-an niyang daan, iya usab sila nga gitawag; ug sila nga iyang gitawag, iya usab sila nga gimatarung; ug sila nga iyang gimatarung, iya usab sila nga gidala ngadto sa himaya.
PAGPAAMBIT SA MENSAHE:
Ang maong ebanghelyo naghisgot diha sa kahimayaan sa langit diin kini mao kinabuhing dayun nga gisaad ni Jesu Cristo diha sa iyang mga sumosunod maoy usa ka gasa o grasya ngadto sa iyang mga katawhan nga nakatuman sa iyang kabubut-on ug sa ingon dili kini premyo o ganti diha sa maayong buhat kay sa ingon walay makasigarbo diha sa atubangan sa Dios nga siya naluwas pinaagi sa maayong binuhatan.
Apan ang espiritu santo nga maoy gipakunsad sa Dios diin maoy iyang gipahari nganhi kanato isip maoy giya diha sa pagkinabuhi nga langitnon o duol sa Dios, aron sa ingon ang tanan makasubay gayud as iyang kasugo-an. Ang atong espiritu maoy giya diha sa pagkinabuhi nga langitnon ug diha sa mga langitnon gasa diha kanato
Diin ang espiritu nga nia kanato maoy nahimong tigtaho diha sa atong mga sala ug kasaypanan ngadto sa Dios Amahan diha sa panahun nga kita nahikatulog. Diin mabasa nato disa sa 1 Corintio 3: 16 nga ang atong lawas sa tawo maoy templo sa Dios espiritu santo diin ang mopasipala sa templo sa Dios nga mao ang atong lawas iya usab nga pagalaglagon.
Sa ato pa kitang buhi nga tawo balaan nang daan diha sa pagkinabuhi nga tawhanon diin bulahan kun sa kanunay kita magabalaan ug magasunod sa kabubut-on sa Dios samtang nagkinabuhi pa niining kalibutana. Diin matod pa sa pagtaliwan na nato niining kalibutan ang atong espiritu mobalik sa Dios ug ang atong kalag maoy magpaabot sa katapusang paghukom diin maoy pagasul-oban sa langitnong lawas ug sa ingon ang atong lawas nga tawhanon maoy mahibilin dinhi sa yuta diin madunot ug madugta uban sa mga bahandi nga tawhanon.
22Nahibalo kita nga ang tibuok kabuhatan nanagduyog sa pag-agulo sa pagbati hangtud karon; 23ug dili lamang ang kabuhatan ra, kondili kita gayud usab nga mga nanagpakabaton sa unang mga bunga sa Espiritu nagaagulo sa sulod nato samtang nagapaabut kita nga mahinamon nga pagasagupon ingon nga mga anak, nga mao ang pagtubos sa atong mga lawas. 24Kay diha sa maong paglaum nangaluwas kita. Apan ang paglaum nga makita dili paglaum. Kay kinsa bay nagalaum alang sa butang nga iyang makita? 25Apan kon magalaum kita alang sa butang nga dili makita, nan, magapaabut kita niini uban sa pailub.
26 Sa ingon usab nga paagi, ang Espiritu motabang kanato sa diha nga magmaluyahon kita; kay kita ugod dili man makamaong moampo sa hustong inampoan, apan ang Espiritu mao ang mangunay sa pagpangamuyo alang kanato uban ang laglum nga mga pag-agulo nga dili arang malitok sa pulong. 27Ug siya nga mao ang nagasusi sa mga kasingkasing sa mga tawo nasayud kon unsa ang hunahuna sa Espiritu, kay ang Espiritu magapangamuyo man uyon sa kabubut-on sa Dios alang sa mga balaan. 28Kita nasayud nga diha sa matag-usa ka butang ang Dios nagabuhat ug maayo uban kanila nga mga nahigugma kaniya ug mga tinawag sumala sa iyang katuyoan.
29 Kay sila nga mga giila niyang daan gikabut-an usab niyang daan nga mahisama sila sa dagway sa iyang Anak, aron kini siya mahimong maoy panganay sa daghang mga magsoon. 30Ug sila nga gikabut-an niyang daan, iya usab sila nga gitawag; ug sila nga iyang gitawag, iya usab sila nga gimatarung; ug sila nga iyang gimatarung, iya usab sila nga gidala ngadto sa himaya.
PAGPAAMBIT SA MENSAHE:
Ang maong ebanghelyo naghisgot diha sa kahimayaan sa langit diin kini mao kinabuhing dayun nga gisaad ni Jesu Cristo diha sa iyang mga sumosunod maoy usa ka gasa o grasya ngadto sa iyang mga katawhan nga nakatuman sa iyang kabubut-on ug sa ingon dili kini premyo o ganti diha sa maayong buhat kay sa ingon walay makasigarbo diha sa atubangan sa Dios nga siya naluwas pinaagi sa maayong binuhatan.
Apan ang espiritu santo nga maoy gipakunsad sa Dios diin maoy iyang gipahari nganhi kanato isip maoy giya diha sa pagkinabuhi nga langitnon o duol sa Dios, aron sa ingon ang tanan makasubay gayud as iyang kasugo-an. Ang atong espiritu maoy giya diha sa pagkinabuhi nga langitnon ug diha sa mga langitnon gasa diha kanato
Diin ang espiritu nga nia kanato maoy nahimong tigtaho diha sa atong mga sala ug kasaypanan ngadto sa Dios Amahan diha sa panahun nga kita nahikatulog. Diin mabasa nato disa sa 1 Corintio 3: 16 nga ang atong lawas sa tawo maoy templo sa Dios espiritu santo diin ang mopasipala sa templo sa Dios nga mao ang atong lawas iya usab nga pagalaglagon.
Sa ato pa kitang buhi nga tawo balaan nang daan diha sa pagkinabuhi nga tawhanon diin bulahan kun sa kanunay kita magabalaan ug magasunod sa kabubut-on sa Dios samtang nagkinabuhi pa niining kalibutana. Diin matod pa sa pagtaliwan na nato niining kalibutan ang atong espiritu mobalik sa Dios ug ang atong kalag maoy magpaabot sa katapusang paghukom diin maoy pagasul-oban sa langitnong lawas ug sa ingon ang atong lawas nga tawhanon maoy mahibilin dinhi sa yuta diin madunot ug madugta uban sa mga bahandi nga tawhanon.
No comments:
Post a Comment