JUAN 15: 1~151 "Ako mao ang tinuod nga tanum nga parsas, ug ang akong Amahan mao ang tig-alima. 2Ang tanan kong sanga nga dili mamunga, kini iyang pamutlon; ug ang tanang sanga nga mamunga, kini iyang pagahinloan aron mamungag labi pang daghan. 3Kamo nangahinlo na tungod sa pulong nga akong gisulti kaninyo. 4Pabilin kamo kanako, ug pabilin ako kaninyo. Maingon nga ang sanga sa iya rang kaugalingon dili makabunga, gawas kon magapabilin kini sa tanum, sa ingon usab kamo dili makapamunga gawas kon magpabilini kamo kanako.
5Ako mao ang tanum nga parras, kamo mao ang mga sanga. Ang magapabilin kanako, kang kinsa magapabilin ako, mao siya ang magapamungag daghan, kay gawas kanako wala gayud kamoy arang mahimo. 6Ang tawo nga dili magapabilin kanako, igasalibay siya sama sa sanga ug malaya; ug ang mga sanga pamuniton ug igaitsa ngadto sa kalayo ug mangasunog sila. 7Kon kamo pabilin kanako, ug ang akong mga sulti pabilin kaninyo, pangayo kamog bisan unsa nga inyong gusto, ug kini pagabuhaton alang kaninyo. 8Ang akong Amahan mapasidunggan sa diha nga mamunga kamog daghan, ug nga sa ingon pagahimatud-an nga kamo akong mga tinun-an.
9 Sama sa paghigugma kanako sa Amahan, ako sa ingon nahigugma kaninyo; pabilin kamo diha sa akong gugma. 10Kon tumanon ninyo ang akong sugo, magapabilin kamo sa akong gugma, maingon nga gituman ko ang mga sugo sa akong Amahan ug nagapabilin ako diha sa iyang gugma. 11Kining mga butanga gisulti ko kaninyo, aron ang akong kalipay magapabilin diha kaninyo, ug ang inyong kalipay mamahingpit. 12"Mao kini ang akong sugo, nga kinahanglan maghigugmaay kamo ang usa sa usa sama sa akong paghigugma kaninyo.
13Walay bisan kinsa nga may gugma nga labaw pa niini, nga ang usa ka tawo magahalad sa iyang kinabuhi sa pagpakamatay alang sa iyang mga higala. 14Kamo mga higala nako kon magatuman kamo sa akong isugo kaninyo. 15Dili ko na kamo nganlan nga mga ulipon, kay ang ulipon dili masayud sa ginabuhat sa iyang agalon. Apan ginganlan ko kamo nga mga higala, kay ang tanan nga nadungog ko gikan sa akong Amahan, kini gipahibalo ko man kaninyo.
PAGPAAMBIT SA MENSAHE:
Ang maong ebanghelyo nagpasabot sa tingusbawan diha sa pagsunod kang Jesu Cristo diin giingon diha sa ebanghelyo nga siya ang matuod nga parasan, nga sa to pa siya ang bunga ug puno-an diha sa atong pagkamagtutuo, diin kita nga mga sumosunod mao ang mga sanga sa maong parasan, diin diha sa paglimpyo ug amuma sa among mga sanga molipang kita ug modaghan, apan kun diha sa atong pagkasanga maglain kita ug magkinaugalingon nan hayan mamatay ang maong mga sanga ug angayan na lang lapogan.
Mao kini ang pagtulon-an diha sa kinabuhi natong mga magtutuo sa pagsunod sa Dios diin kinahanglan gayud nga modangop kita sa anak sa Dios nga mao si Jesus diin siya mao ang sinugdanan ug ang kataposan ug nga walay mahi-adto sa Amahan kundili moagi kaniya. Sa lain nga mga sinulat nagaingon nga si Jesus mao ang kahoy sa kinabuhi diin diha sa pagpaduol nato kanunay kaniya makaambit kita diha sa iyang landong ug sa kanunay makaambit diha sa kasigurohan sa atong lawas ug kalag.
Diin atong mapalandungan ang mga kasakitan ni Jesu Cristo diha sa pagpalansang sa Krus diin mao kadto ang usa ka pagtulun-an diin ang anak sa Dios nagpakatawo aron ipakita ang pagmahal sa Dios Amahan kanato, diin ang Dios mismo maoy mipaduol kanato pinaagi sa iyang bugtong anak, diin usa ka tulokibon ang maong pagtulon-an kay ang mga mabuot ug mga tag-as nga pariseo wala gayud sa ilang huna-huna nga ang Anak sa Dios magpakatawo, magpakaubos diha sa iyang kaugalingon ug sa ingon mao kining mga hiyasa ang gikahimut-an sa Dios didto sa langit.
Ang pagpakamatay alang sa imong mga higala ug sa imong mga mahal sa kinabuhi maoy usa ka dungganan ug de prinsipyo nga talamdan apan ang pagpakamatay para usab niadto naglutos ug nagbiay-biay kanimo maoy usa ka butang nga dili matukib o matugkad sa tawo diin Dios lamang ang makahubad niini. Ug diin kini maoy nalatid diha sa mga panagna sa mga karaang propeta ug mao usay kabubut-on sa Dios Amahan diin masangyaw ang kinabuhi ug kaagi sa iyang bugtong anak nga diin dili ordinaryo ug usab dili haria-anon apan puno sa pagtulon-an ug nga tuburan sa tanang katarong.
5Ako mao ang tanum nga parras, kamo mao ang mga sanga. Ang magapabilin kanako, kang kinsa magapabilin ako, mao siya ang magapamungag daghan, kay gawas kanako wala gayud kamoy arang mahimo. 6Ang tawo nga dili magapabilin kanako, igasalibay siya sama sa sanga ug malaya; ug ang mga sanga pamuniton ug igaitsa ngadto sa kalayo ug mangasunog sila. 7Kon kamo pabilin kanako, ug ang akong mga sulti pabilin kaninyo, pangayo kamog bisan unsa nga inyong gusto, ug kini pagabuhaton alang kaninyo. 8Ang akong Amahan mapasidunggan sa diha nga mamunga kamog daghan, ug nga sa ingon pagahimatud-an nga kamo akong mga tinun-an.
9 Sama sa paghigugma kanako sa Amahan, ako sa ingon nahigugma kaninyo; pabilin kamo diha sa akong gugma. 10Kon tumanon ninyo ang akong sugo, magapabilin kamo sa akong gugma, maingon nga gituman ko ang mga sugo sa akong Amahan ug nagapabilin ako diha sa iyang gugma. 11Kining mga butanga gisulti ko kaninyo, aron ang akong kalipay magapabilin diha kaninyo, ug ang inyong kalipay mamahingpit. 12"Mao kini ang akong sugo, nga kinahanglan maghigugmaay kamo ang usa sa usa sama sa akong paghigugma kaninyo.
13Walay bisan kinsa nga may gugma nga labaw pa niini, nga ang usa ka tawo magahalad sa iyang kinabuhi sa pagpakamatay alang sa iyang mga higala. 14Kamo mga higala nako kon magatuman kamo sa akong isugo kaninyo. 15Dili ko na kamo nganlan nga mga ulipon, kay ang ulipon dili masayud sa ginabuhat sa iyang agalon. Apan ginganlan ko kamo nga mga higala, kay ang tanan nga nadungog ko gikan sa akong Amahan, kini gipahibalo ko man kaninyo.
PAGPAAMBIT SA MENSAHE:
Ang maong ebanghelyo nagpasabot sa tingusbawan diha sa pagsunod kang Jesu Cristo diin giingon diha sa ebanghelyo nga siya ang matuod nga parasan, nga sa to pa siya ang bunga ug puno-an diha sa atong pagkamagtutuo, diin kita nga mga sumosunod mao ang mga sanga sa maong parasan, diin diha sa paglimpyo ug amuma sa among mga sanga molipang kita ug modaghan, apan kun diha sa atong pagkasanga maglain kita ug magkinaugalingon nan hayan mamatay ang maong mga sanga ug angayan na lang lapogan.
Mao kini ang pagtulon-an diha sa kinabuhi natong mga magtutuo sa pagsunod sa Dios diin kinahanglan gayud nga modangop kita sa anak sa Dios nga mao si Jesus diin siya mao ang sinugdanan ug ang kataposan ug nga walay mahi-adto sa Amahan kundili moagi kaniya. Sa lain nga mga sinulat nagaingon nga si Jesus mao ang kahoy sa kinabuhi diin diha sa pagpaduol nato kanunay kaniya makaambit kita diha sa iyang landong ug sa kanunay makaambit diha sa kasigurohan sa atong lawas ug kalag.
Diin atong mapalandungan ang mga kasakitan ni Jesu Cristo diha sa pagpalansang sa Krus diin mao kadto ang usa ka pagtulun-an diin ang anak sa Dios nagpakatawo aron ipakita ang pagmahal sa Dios Amahan kanato, diin ang Dios mismo maoy mipaduol kanato pinaagi sa iyang bugtong anak, diin usa ka tulokibon ang maong pagtulon-an kay ang mga mabuot ug mga tag-as nga pariseo wala gayud sa ilang huna-huna nga ang Anak sa Dios magpakatawo, magpakaubos diha sa iyang kaugalingon ug sa ingon mao kining mga hiyasa ang gikahimut-an sa Dios didto sa langit.
Ang pagpakamatay alang sa imong mga higala ug sa imong mga mahal sa kinabuhi maoy usa ka dungganan ug de prinsipyo nga talamdan apan ang pagpakamatay para usab niadto naglutos ug nagbiay-biay kanimo maoy usa ka butang nga dili matukib o matugkad sa tawo diin Dios lamang ang makahubad niini. Ug diin kini maoy nalatid diha sa mga panagna sa mga karaang propeta ug mao usay kabubut-on sa Dios Amahan diin masangyaw ang kinabuhi ug kaagi sa iyang bugtong anak nga diin dili ordinaryo ug usab dili haria-anon apan puno sa pagtulon-an ug nga tuburan sa tanang katarong.
No comments:
Post a Comment