LUCAS 1 :39~4539 Nianang mga gutloa si Maria midali pagpanaw sa taas nga bukid sa Juda. 40 Misulod siya sa balay ni Zacarias ug nangumusta ni Isabel. 41 Sa pagkadungog ni Isabel sa pangumusta ni Maria, milihok ang bata sa sabakan ug napuno sa Espiritu Santo. 42 Sa kusog nga tingog misinggit siya sa pag-ingon: “Bulahan ka sa mga babayeng tanan, ug bulahan ang bunga sa imong tiyan!
43 Unsang pagkahitaboa nga ang inahan sa akong Ginoo mianhi man nako? 44 Sa pagkadungog ko sa imong pangumusta, ang bata sa akong tiyan milihok sa kalipay. 45 Bulahan ka nga mitoo nga ang pulong sa Ginoo matuman diha nimo!”
PAGPAAMBIT SA MENSAHE:
Ang maong ebanghelyo nagtukib o nagpasabot sa mga milagro nga nahan-ay nang daan diha sa pag-abot sa anak sa Dios , Si Maria ingon nga mabdos sa anak as Dios diha nga miduaw sa iyang ig-agaw nga si Elisabet, diin mabdos usab kang Juan Bautista. Nga sa ato pa nalatid ng daan ang tanan diin kun atong suhiron pag-ayo ang istorya, si Maria nakaagi ug mga pagpanlutos diha sa iyang pagsabak kay lagi si Jose nga iyang pamanhunon wala man makahilabot kaniya, ug diin usa kini ka kaulawon sa ilang kaliwat niadtong panahuna. Si Elisabeth kansang bana usa ka pari diin hataas na ug edad ug maglisod na sa pagpamabdos apan gihatagan silag liwat sa Dios kay diay adunay dakong tahas nga pagasagubangon ang ilang anak.
Atong mapalandungan nga dili na diay kinahanglan nga hamili o dungganan ang atong pamilya aron kita kahimut-an sa Dios diin maoy lamay importante nga putli ug bug-os ang atong kasing-kasing sa mata sa Dios diin siya lamang ang nakakita sa atong kinaiyahan, diin bulahan diay nga mas dako ang porsiyento sa atong kaugalingon nga igahin nato sa Dios kay siya ra ang mopahigayun sa tanan natong mga materyal nga kinahanglanon.
Ang tawo samtang nagkinabuhi kinahanglan diay nga makiglambigit dili lamang diha sa materyal nga aspeto sa pagkatawhanon apan hasta diay sa pagka-espiritwal nga aspeto, kay ang lawas kun buhi pa kita man nga tawo ang naga-administer o ang magadala niini, apan dili diay nato hikalimtan ang atong kalag ug espiritu sa pagpakaon o pag-amuma niini, kay ang kalag ug espiritu iya sa Dios diin maoy mahabilin sa higayun nga motaliwan na kita niining kalibutan kay ang atong lawas madugta man uban sa atong bahandi nga tawhanon. Apan kun ang atong kalag kanunay nga nakaka-on diha sa mga espirituhanon nga grasya ug pag-ampo nan aduna ka usay bahandi nga iya sa espiritu diin dili kini makita ni mahikap apan mao kini imong ikapakita ngadto sa Dios diha sa akto nga kita moatubang na sa dakong paghukom.
43 Unsang pagkahitaboa nga ang inahan sa akong Ginoo mianhi man nako? 44 Sa pagkadungog ko sa imong pangumusta, ang bata sa akong tiyan milihok sa kalipay. 45 Bulahan ka nga mitoo nga ang pulong sa Ginoo matuman diha nimo!”
PAGPAAMBIT SA MENSAHE:
Ang maong ebanghelyo nagtukib o nagpasabot sa mga milagro nga nahan-ay nang daan diha sa pag-abot sa anak sa Dios , Si Maria ingon nga mabdos sa anak as Dios diha nga miduaw sa iyang ig-agaw nga si Elisabet, diin mabdos usab kang Juan Bautista. Nga sa ato pa nalatid ng daan ang tanan diin kun atong suhiron pag-ayo ang istorya, si Maria nakaagi ug mga pagpanlutos diha sa iyang pagsabak kay lagi si Jose nga iyang pamanhunon wala man makahilabot kaniya, ug diin usa kini ka kaulawon sa ilang kaliwat niadtong panahuna. Si Elisabeth kansang bana usa ka pari diin hataas na ug edad ug maglisod na sa pagpamabdos apan gihatagan silag liwat sa Dios kay diay adunay dakong tahas nga pagasagubangon ang ilang anak.
Atong mapalandungan nga dili na diay kinahanglan nga hamili o dungganan ang atong pamilya aron kita kahimut-an sa Dios diin maoy lamay importante nga putli ug bug-os ang atong kasing-kasing sa mata sa Dios diin siya lamang ang nakakita sa atong kinaiyahan, diin bulahan diay nga mas dako ang porsiyento sa atong kaugalingon nga igahin nato sa Dios kay siya ra ang mopahigayun sa tanan natong mga materyal nga kinahanglanon.
Ang tawo samtang nagkinabuhi kinahanglan diay nga makiglambigit dili lamang diha sa materyal nga aspeto sa pagkatawhanon apan hasta diay sa pagka-espiritwal nga aspeto, kay ang lawas kun buhi pa kita man nga tawo ang naga-administer o ang magadala niini, apan dili diay nato hikalimtan ang atong kalag ug espiritu sa pagpakaon o pag-amuma niini, kay ang kalag ug espiritu iya sa Dios diin maoy mahabilin sa higayun nga motaliwan na kita niining kalibutan kay ang atong lawas madugta man uban sa atong bahandi nga tawhanon. Apan kun ang atong kalag kanunay nga nakaka-on diha sa mga espirituhanon nga grasya ug pag-ampo nan aduna ka usay bahandi nga iya sa espiritu diin dili kini makita ni mahikap apan mao kini imong ikapakita ngadto sa Dios diha sa akto nga kita moatubang na sa dakong paghukom.
No comments:
Post a Comment