LUCAS 6:20~2220 Unya giyahat niya ang iyang mga mata ngadto sa iyang mga tinun-an ug miingon: 21"Bulahan kamong mga gigutom karon, kay pagabusgon ra unya kamo. 22"Bulahan kamo sa diha nga pagadumtan kamo sa mga tawo ug pagaayran kamo ug panamastamasan kamo, ug igasalikway ang inyong ngalan ingon nga dautan, tungod sa Anak sa Tawo!
PAGPAAMBIT SA MENSAHE:
Ang maong ebanghelyo naghisgot sa kabulahanan sa mga katawhan nga nagasunod sa kabubut-on sa Dios diin nagpasabot kini nga kinahanglan nga mag-una ang mga pag-antos dinhi sa yuta aron sa kanunay anaa ang mga panalangin nga langitnon, diin nagaingon ang balaang kasulatan, bulahan ang katawhan nga nagpaubos dinhi sa yuta aron sa ingon sila ipataas ug ibayaw didto sa iyang gingharia-an,
Nagaingon diha sa ubang mga sinulat sa balaang kasulatan, nga kun gusto nimo nga himayaon ug ilhon didto sa gingharian sa Dios nan puy-an nimo ang kinabuhi nga puno sa pagpaubos ug pagpasakit dinhi sa yuta diin anaa ang pagpanglutos ug pagbiay-biay , pas-ana ang krus sa imong kinabuhi isul-ob ang hiyas sa espiritu santo ug sunod sa mag pagtulon-an ni Jesu Cristo.
Nga sa ato pa mga igsoon diha sa mga pagpasakit ug mga kasub-anan anaa diha ang prisensya sa Dios diin ikaw gisulayan diha sa imong pagtulon-an nga gibarugan apan diha sa mga kahayahay sa kinabuhi nga imong nasinati nan gibawosan ka nang daan dinhi sa yuta diin wala na ang maong mga kahayahay didto sa iynga gingharian.
No comments:
Post a Comment