JUAN 20: 24 ~ 2924Usa sa Napulog-Duha nga mao si Tomas, nga ginganlag ang Kaluha, wala mahiuban kanila sa pagtungha ni Jesus. 25Busa gisuginlan siya sa ubang mga tinun-an nga nanag-ingon, "Nakita namo ang Ginoo." Apan siya miingon kanila, "Gawas kon makita ko ang inagian sa mga lansang diha sa iyang mga kamot, ug ikapasulod ko ang akong tudlo diha sa inagian sa mga lansang, ug ikapasulod ko ang akong kamot diha sa iyang kilid, dili gayud ako motoo."
26 Walo ka adlaw tapus niini, ang iyang mga tinun-an didto na usab sa sulod sa balay, ug si Tomas uban kanila. Ang mga pultahan tinakpan, apan si Jesus mitungha ug mitindog sa ilanmg taliwala, ug miingon, "Ang kalinaw magauban kaninyo." 27Ug siya miingon kang Tomas, "Ihikap dinhi ang imong tudlo, ug tan-awa ang akong mga kamot; ambi ang imong kamot ug ipasulod kini sa akong kilid. Ayaw na nianang pagkadili matinoohon, hinonoa magmatinoohon ka." 28Ug si Tomas miingon kaniya, "Ginoo ko ug Dios ko!" 29Ug si Jesus miingon kaniya, "Mitoo ba ikaw tungod kay nakita mo ako? Dalaygon kadtong wala managpakakita, ngani nanagpanoo.
PAGPAAMBIT SA MENSAHE:
Ang maong ebanghelyo naghisgot sa pagtuo ni Tomas diin wala gayud siya mutuo sa gibalita sa iyang mga kauban bahin sa pagkabanhaw sa ilang magtutudlo. Diin diha – diha mismo mipakita si Jesus kanila ug mipakita sa iyang mga samad diin si Tomas ayha pa usab mituo. Usa kini ka pagtulon-an diin mas bulahan ang mutuo diha sa mga butang nga langitnon ug espirituhanon nga dili mahikap ug makita kay mao kini ang mga butang nga moluntangtad sa hangtod.
Apan maoy atong ipatigbabaw ang mga butang nga tawhanon diin mahanaw lamang kini ug kaonon sa taya. Diin matod pa sa ebanghelyo sa balaang kasulatan ug mga buhing pulong sa Amahan, kun ang imong bahandi ania ra sa yuta nan dinhi kara kutob.
Usa ka panag-ingnaan ug sumbanan ang mga pagtulon-an diha as pagkamaduha-on ni Tomas diin gipakita lang sa Dios ang kabulahanan sa tawo kun magatamod siya sa pulong sa Dios bisan wala niya makita ang panagway niini. Bisan diha sa balaang kasabutan daghan ang mga pagtulon-an karon nga nagduha-duha sa pagtoo sa nahasulat diha sa daan ug bag-ong kasabotan, diin maoy gituho-an niadtong mga pastor ug mga lideres ang unsay anaa sa ilang huna-huna.
Daghan ang wala motuo diha sa libro ni Job diin nagaingon nga kini siya gisulayan sa Ginoo pinaagi sa pagtugot sa dautan sa pagsakit kanila, kay para sa ubang pagtulon-an ang maong istorya dili binuhatan sa Dios. Naay pagtulon-an diin nagsangpit sa ngalan sa anak nga maoy ngalan sa ilang pundok apan wala motuo nga siya anak sa Dios, Naay pagtulon-an nga ang 72 ka libro sa biblia gihimo lang nila nga 62 aron haom sa ilang kaugalingon diin mao usay gipabasa sa ilang mga sumosunod ug ang sobra sa 62 ilang gipanglabay kay dili man sila mutuo niini. Nan labaw pa sila kang Tomas kay sila wa man gayud motuo sa Anak nga maoy gipadala sa Amahan.
Apan nagaingon ang Amahan: Daghan ang akong mga pinili diha sa lain-laing pundok ug mga pagtulon-an diin dili lang kay kini ra nga pundok sa pagtulon-an nga aduna akoy pinili. Lain-lain lang ang proseso ug pagpahaluna sa matagpundok. Nga sa ato pa mga igson kining nga mga pagtulon-an kabubut-on gihapon sa Dios aron sa pag-ayag sa iyang katawhan . Apan matod pa sa Dios Amahan diha sa balaang kasulatan dili ang tanan nga nagatawag kanako, Dios ko…Dios ko..makasulod sa akong gingharian kundili kadto lamang nagatuman ug nagasunod sa akong kabubut-on.
26 Walo ka adlaw tapus niini, ang iyang mga tinun-an didto na usab sa sulod sa balay, ug si Tomas uban kanila. Ang mga pultahan tinakpan, apan si Jesus mitungha ug mitindog sa ilanmg taliwala, ug miingon, "Ang kalinaw magauban kaninyo." 27Ug siya miingon kang Tomas, "Ihikap dinhi ang imong tudlo, ug tan-awa ang akong mga kamot; ambi ang imong kamot ug ipasulod kini sa akong kilid. Ayaw na nianang pagkadili matinoohon, hinonoa magmatinoohon ka." 28Ug si Tomas miingon kaniya, "Ginoo ko ug Dios ko!" 29Ug si Jesus miingon kaniya, "Mitoo ba ikaw tungod kay nakita mo ako? Dalaygon kadtong wala managpakakita, ngani nanagpanoo.
PAGPAAMBIT SA MENSAHE:
Ang maong ebanghelyo naghisgot sa pagtuo ni Tomas diin wala gayud siya mutuo sa gibalita sa iyang mga kauban bahin sa pagkabanhaw sa ilang magtutudlo. Diin diha – diha mismo mipakita si Jesus kanila ug mipakita sa iyang mga samad diin si Tomas ayha pa usab mituo. Usa kini ka pagtulon-an diin mas bulahan ang mutuo diha sa mga butang nga langitnon ug espirituhanon nga dili mahikap ug makita kay mao kini ang mga butang nga moluntangtad sa hangtod.
Apan maoy atong ipatigbabaw ang mga butang nga tawhanon diin mahanaw lamang kini ug kaonon sa taya. Diin matod pa sa ebanghelyo sa balaang kasulatan ug mga buhing pulong sa Amahan, kun ang imong bahandi ania ra sa yuta nan dinhi kara kutob.
Usa ka panag-ingnaan ug sumbanan ang mga pagtulon-an diha as pagkamaduha-on ni Tomas diin gipakita lang sa Dios ang kabulahanan sa tawo kun magatamod siya sa pulong sa Dios bisan wala niya makita ang panagway niini. Bisan diha sa balaang kasabutan daghan ang mga pagtulon-an karon nga nagduha-duha sa pagtoo sa nahasulat diha sa daan ug bag-ong kasabotan, diin maoy gituho-an niadtong mga pastor ug mga lideres ang unsay anaa sa ilang huna-huna.
Daghan ang wala motuo diha sa libro ni Job diin nagaingon nga kini siya gisulayan sa Ginoo pinaagi sa pagtugot sa dautan sa pagsakit kanila, kay para sa ubang pagtulon-an ang maong istorya dili binuhatan sa Dios. Naay pagtulon-an diin nagsangpit sa ngalan sa anak nga maoy ngalan sa ilang pundok apan wala motuo nga siya anak sa Dios, Naay pagtulon-an nga ang 72 ka libro sa biblia gihimo lang nila nga 62 aron haom sa ilang kaugalingon diin mao usay gipabasa sa ilang mga sumosunod ug ang sobra sa 62 ilang gipanglabay kay dili man sila mutuo niini. Nan labaw pa sila kang Tomas kay sila wa man gayud motuo sa Anak nga maoy gipadala sa Amahan.
Apan nagaingon ang Amahan: Daghan ang akong mga pinili diha sa lain-laing pundok ug mga pagtulon-an diin dili lang kay kini ra nga pundok sa pagtulon-an nga aduna akoy pinili. Lain-lain lang ang proseso ug pagpahaluna sa matagpundok. Nga sa ato pa mga igson kining nga mga pagtulon-an kabubut-on gihapon sa Dios aron sa pag-ayag sa iyang katawhan . Apan matod pa sa Dios Amahan diha sa balaang kasulatan dili ang tanan nga nagatawag kanako, Dios ko…Dios ko..makasulod sa akong gingharian kundili kadto lamang nagatuman ug nagasunod sa akong kabubut-on.
No comments:
Post a Comment