Gitagna Ni Jesus Ang Ilang Silot

MATEO 23 : 29 ~ 36

29"Alaut kamo, mga escriba ug mga Fariseo, mga maut! kay ginabuhatan ninyog mga pantiyon ang mga profeta ug inyong ginadayandayanan ang mga bungdo sa mga matarung, 30ug magkanayon kamo, `Kon nakaabut pa kami sa mga adlaw sa among mga ginikanan, dili gayud kami moapil uban kanila sa pag-ula sa dugo sa mga profeta.` 31Sa ingon niini nagamatuod kamo batok ra sa inyong kaugalingon nga kamo mga anak diay niadtong mga nanagpatay sa mga profeta. 32Hala, pun-a pa gayud ninyo ang taksanan sa inyong mga ginikanan. 33Kamong mga halas, kamong kaliwat sa mga bitin, unsaon ugod ninyo paghilingkawas gikan sa pagkahinukman ngadto sa infierno?

34 Tungod niini, padad-an ko kamog mga profeta ug mga makinaadmanon ug mga escriba, nga ang uban kanila inyong pagapatyon ug igalansang sa krus, ug ang uban inyong pagahampakon sa sulod sa inyong mga sinagoga ug inyong pagalutoson gikan sa usa ka lungsod ngadto sa usa, 35aron nga diha kaninyo pagapanilngon ang tanang dugo sa mga matarung nga naula sa ibabaw sa yuta, sukad pa sa dugo ni Abel nga matarung hangtud sa dugo ni Zacarias nga anak ni Baraquias, nga inyong gipatay diha sa kinatung-an sa templo ug sa halaran. 36Sa pagkatinuod, magaingon ako kaninyo, kining tanan moabut niining kaliwatana.

PAGPAAMBIT SA MENSAHE:

Ang maong ebanghelyo nagpasabot sa mga makakasala nga naglutos sa mga sumosunod sa Dios o sumosunod sa Iglisea ni Jesu Cristo, diin silang tanan mahiagom sa silot sa mga kasal-anan nga ilang nabuhat.

Diin diha sa unang mga sinulat gipasabot nang daan sa mga propeta ug sa mga unang tinawag nga ang mga sinugo sa Dios pagasakton ug pagadagmalan aron sa ingon matuman ang kasulatan..

Ang balaan kasulatan nag-ingon kun gusto ninyo nga himayaon dinhi sa yuta nan puy-I ninyo ang kinabuhi nga puno sa pagpaubos dinhi sa yuta diin puno sa mga paglutos ug mga pagyam-id. Pas-ana ang krus sa inyong kinabuhi ug sunod sa mga pagtulon-an ni Jesu Cristo.

Nga sa ato pa mga igsoon nag-antos ang mga sumosunod as Dios dinhi sa yuta apan sila pagagantihan didto sa langit, ug diin ang mga naglutos sa mga sumusunod as Dios dinhi sa yuta sila silotan sa kamatayon ka yang silot sa sala mao man gayud ang kamatayun dili lamang sa ilang tawhanon nga lawas apan apil usab sa ilang kalag diin sila isugba didto sa kalayo sa impyerno.
:

: