Ang Tuyo Sa Pagsulat Niining Basahuna

JUAN 20: 30~31

30Ug sa atubangan sa mga tinun-an gipanghimo ni Jesus ang daghan pang ubang mga milagro nga wala mahisulat niining basahona; 31apan kining ania gisulat aron motoo kamo nga si Jesus mao ang Cristo, ang Anak sa Dios, ug nga sa pagtoo makabaton kamog kinabuhi diha sa iyang ngalan.

PAGPAAMBIT SA MENSAHE:

Ang maong ebanghelyo naghisgot sa pagtulon-an ni Jesus diin kini nahisulat nga puno sa mga pagpanlutos ug mga milagro. Diin kini gimuan ug talaan o istorya niadtong iyang mga piinili ug mga apostol aron maoy mahimong sumbanan sa aumaabot nga kaliwatan diin mahitala nga sa makausa nahitabo sa kasaysayan sa kalibutan nga ang Dios nagpakatawo ug diin gilutos sa mga sumosunod sa iyang Amahan kay lagi wala man siya tuhoi nga anank sa Dios tungod sa iyang pagpaubos.

Ang maong mga katawhan nga nanagsulat niining basahuna o balaang kasulatan diin mga yano lang nga tawo ug maoy ilang trabaho ang pagsangyaw lamang sa pulong sa Dios, nga sa ato pa kining mga basahon sa balaang kasulatan nahasulat usab sa tawo apan pinaagi sa kaalam nga langitnon.

Atong mahinumduman nga si Jesu Cristo nagsugod sa pagsangyaw sa iglisea sa kamatuoran sa edad na siya ug 30, diin diha nianang panahuna usab ang iyang mga pinili nga apostol nagauban kaniya sa pagsangyaw isip mga estudyante. Ug natapos ang pagsangyaw ni Jesu Cristo diha pagkamatay niya sa krus diin nag-edad lamang siya ug 33. Sa ato pa naa sa tulo lamang ka tuig ang iyang pagsangyaw sa mga pulong sa Dios ug sa mga pagbuhat ug mga milagro.

Apan sa pagkawala na ni Jesus ang iyang mga apostol nagpadayun ug sangyaw, diin sila mitadlas sa upat ka suok sa kalibutan. Apan daghan na usab nga mga milagro nga wala na mahitala diha sa balaang kasulatan, diin bisan sa bata si Jesu Cristo ngadto sa iyang pagka hingkod wala mahitala ang iyang mga milagro ug mga pagsangyaw.

:

Diin kini nagpasabot lamang nga ang balaang kasulatan tipik lamang sa mga kasaysayan sa kinabuhi ni Jesus, diin kabubut-on sa Dios nga dili matala ang tanan aron usab dili matugkad ang mga kabubut-on sa Dios kay walay tawo nga gitugotan sa pagtugkad sa kabubut-on sa Dios, ug kini usa usab ka paagi sa pagsukod sa pagtuo sa tawo diin mas bulahan sila kun motuo sila sa mag butang langitnon nga wala nila mahikap ug makita kay mao kini mga butang nga molungtad.