1 PEDRO 2: 11 ~ 17• 11 Pinangga kong mga igsoon, samtang mga langyaw mo ug binihag, awhagon tamo sa dili paglunang sa hakog nga kahilayan nga nakigbisog batok sa kalag. 12 Pagpuyog hingpit nga kinabuhi taliwala sa mga pagano. Kon pasanginlan mog bakak o daotan, makit-an unta nila ang tarong nga binuhatan. Maghimaya sila sa Diyos sa adlaw nga moanha siya.
13 Tungod ug alang sa Diyos, tahora ang tawhanong gahom: ang kinatas-ang awtoridad, 14 ang gobernador isip pinadala aron pagsilot sa nagbuhat og daotan, ug pagdasig sa nagbuhat ug maayo. 15 Buot ang Diyos nga magbuhat mog maayo aron mapahilom ang mga buang nga nagdanghag lang sa pagbiaybiay ninyo.
16 Pagkinabuhi mo isip mga gawasnon, apan ayawg sulti bahin sa kagawasan nga magpasagad lang. Mga gawasnon mo ug alagad sa Diyos. 17 Tahora ang tanang tawo. Higugmaa ang igsoong babaye ug lalaki. kahadloki ang Diyos ug tahora ang imperador.
PAGPAAMBIT SA MENSAHE:
Ang maong ebanghelyo naghisgot sa mga pagpasakit sa tawo dinhi sa yuta diin giaantos ang mga pagyubit , pagbiay-biay, ug mga kasakitan diin mao kini ang nahitala diha sa balaang kasulatan, nga ang tawo pagasakiton, pagadagmalan ug pagalutoson. Mao kini mismo ang kasinati-an sa atong Ginoong Jesus dinhi sa yuta.
Kay balaang kasulatan nagaingon, ang nagpaubos dinhi sa yuta ipataas didto sa langit ug ang magpasigarbo ug mapahitsa-on dinhi sa yuta ipaubos ug dili ilhon didto sa langit. Kay ang Dios nagaingon Ang gusto mosulod sa ginharian sa langit ug himaya-on ug dayegon sa Amahn, nan puy-an niya ang pinakaubos dinhi sa yuta, diin anaa ang pagpanlutos ug pagdaug-daug.
Diin sa laing bahin sa kasulatan nagaingon, Bulahan kamo nga nakambit sa asakita ni Jesu didto sa maong krus kay makaambit usab sa himaya sa pagkabanhaw didto sa langit.
No comments:
Post a Comment