Mga Ulipon Sa Dios

1 PEDRO 2 : 11 ~ 17

11Mangamuyo ako kaninyo, mga hinigugma, ingon sa mga dumuloong ug mga langyaw, sa paglikay sa lawasnong mga pangibog nga nagapakig-away batok sa kalag. 12Pagkinabuhi kamo nga maligdong taliwala sa mga Gentil, aron nga bisan pa magaingon sila nga kamo mga mamumuhat ug dautan, tungod sa ilang pagkakita sa inyong mga maayong binuhatan sila magahimaya sa Dios unya sa adlaw sa panudya.

13 Tungod sa Ginoo, kinahanglan magpasakop kamo nga masinugtanon sa tanang tawhanong pagbulot-an, sa emperador ingon nga maoy labaw sa tanan, 14o sa mga gobernador nga iyang pinadala aron sa pagsilot niadtong magabuhat ug dautan, ug sa pagdayeg niadtong magabuhat ug maayo. 15Kay maoy kabubut-on sa Dios nga pinaagi sa pagbuhat ug maayo inyong mapahilum ang pagkawalay alamag sa mga tawong kulangkulang.

16Pagkinabuhi kamo ingon nga mga tawong may kagawasan, mao lamang nga dili ninyo paggamiton ang inyong kagawasan ingon nga takuban sa pagbuhat ug dautan; pagkinabuhi kamo ingon nga mga ulipon sa Dios. 17Tahura ninyo ang tanang tawo. Higugmaa ninyo ang kaigsoonan. Kahadloki ninyo ang Dios. Pasidunggi ninyo ang emperador.

PAGPAAMBIT SA MENSAHE:

Ang maong ebanghelyo nagpasabot sa pagtahod sa balaod sa langit ug sa yuta kay kining tanan kabubut-on sa Dios. Ang pagtulon-an ug balaod sa kalibutan minugna usab sa panggobyeno sa kalibutan apan ubos sa kabubut-on sa Dios. Ang balaang kasulatan naga-ingon nga ang Dios ngatahod usab sa balaod sa tawo apan dili ang tanan nga balaod sa tawo iyang gipanalanginan, kay ang kadaghanan niini nahasupak sa iyang kabubut-on apan iya kining gituyo isip usab pagsukod ug pagsilhig sa mga masinupakon.

Nagaingon ang ebanghelyo nga magkinabuhi kita ngamay kagawasan ug diin dinhi sa ibabaw sa yuta mas nakapabor ang mga adunahan kay mapalit man nila ang tanan, diin ang mga kabos maoy kanunay nabiktima sa mga paglutos ug pagdaug-daug, diin kanunay gayud nga nabintahaan ang mga kabos diha sa balaod sa tawo.

Ang balaod sa Dios nagaingon : “ Ang nahisalaag ug ang mga makasasala kung katawhan, nga inosente pa sa kamatuoran, aduna pay kapasaylo-an sa mga sala., apan ang akong mga katawhan nga nasayod ug nakatukib niining tinago nga kamatuoran sa higayon nga motalikod niini wala na gayuy kapasaylo-an pa ang Dios kanila. Busa mas maayo nga barugi ang pagtulon-an ng imong hikaplagan kay usa ra ang Dios, usa ra ang iyang kasugo-an, ug ang iyang mga pinili nagalangkob kini diha sa lain-laing mga pagtulon-an diin lahi-lahi usab ang mga proseso.