BUHAT 2 : 1 ~ 131 Ug sa pag-abut na sa adlaw sa Pentecostes, silang tanan nagkatigum sa usa ka dapit. 2Ug sa kalit may miabut nga dahunog gikan sa langit ingon sa huros sa makusog nga hangin, ug kini mipuno sa tibuok balay diin didto sila nanaglingkod. 3Ug dihay mipakita kanila nga mga dila nga daw kalayo, nga nagtinagsaay sa pagpatong sa ibabaw sa matag-usa kanila. 4Ug silang tanan napuno sa Espiritu Santo ug misugod sila sa pagsulti sa nagkalainlaing mga pinulongan, sumala sa ipalitok kanila sa Espiritu.
5 Ug didto sa Jerusalem may nanagpuyo nga mga Judio, mga tawong masimbahon gikan sa tanang kanasuran ubos sa langit. 6Ug sa nabanha na, ang kadaghanan nanagpanugok ug sila nangalibog kay ang matag-usa nakadungog man sa mga apostoles nga naglitok sa pinulongan sa matag-usa nga nakadungog. 7Ug sila nahingangha ug nahibulong, nga nanag-ingon, "Tan-awa ra, dili ba mga Galileanhon man kini silang tanan nga nanagpanulti? 8Ug naunsa ba nga ang tagsatagsa kanato nakadungog man kanila nga nagasulti sa atong matag-kaugalingong pinulongan nga natawhan?
9Kitang mga taga-Partia, ug mga taga-Media, ug mga taga-Elam, mga molupyo sa Mesopotamia, Judea ug Capadocia, Ponto ug Asia, 10Frigia ug Panfilia, Egipto ug sa kayutaan sa Libya nga sakop sa Cirene, ug mga domoluong gikan sa Roma, mga Judio ug mga kinabig, 11mga taga-Creta ug mga taga-Arabia--kitang tanan pinaagi sa atong matag-kaugalingong mga sinultihan nakadungog kanila nga nagasugilon mahitungod sa kahibulongang mga buhat sa Dios." 12Ug ang tanan nahingangha ug nangalibog nga nanag-ingon sa usa ug usa, "Unsa man kahay buot ipasabut niini?" 13Apan dihay nanag-ingon agig bogalbugal, "Kana sila nangabasdak sa tam-is nga bino."
PAGPAAMBIT SA MENSAHE:
Ang maong ebanghelyo nagpasabot lamang nga ang tawo pagakunsaran gayud sa espiritu santo sa Dios ug ilabina kun siya nagpakabalaan sa iyang kaugalingon. Diin diha sa maong ebanghelyo nagduda ang maong mga Judio nga ang maong mga apostoles nga gikunsaran sa espiritu sa Dios kini mga hubog ug nagpataka na lamang ug istorya.
Usa kini pagtulon-an diin ang espiritu sa Dios ug ang mga buhing pulong sa Dios atong makita diha sa mga ordinaryo nga dapit ug atong mabati diha sa mga katawhan nga kadaghanan nagpakaubos diha sa ilang kaugalingon, diin gani mismo ang ilang kaugalingon nga pamilya wala motuo kanila.
Angayan gayud diay nga kita magtuki ug maghatag ug katungod o pagtugot niadtong mga katawhan nga modulo kanato ilabina diha sa buhat sa kaluoy o buhat sa pagsangyaw sa Dios kay wala kita mahibalo nga siya pinaagi sa Dios espiritu santo gipaabot ba diay sa Dios diha mismo sa atong atubangan.
Ang kinabuhi sa mga magtutuo sa Dios maoy usa ka butang nga sulondon apan malisod buhaton diin isurender nato ang atong kaugalingon sa hingpit sa Dios pinaagi sa bug-os nga pagtuo ngadto kaniya, kay matod pa daghan ang paagi diha sa pagpa-abot sa Dios diha sa iyang mga sugo ngari kanato diin kini dili nato makita pinaagi lamang sa ilang pamarog ug pamiste, diin kitang tawo moyukbo man gayud diha sa nagsilaw-silaw nga mga pamarog ug diin dedma ang mga palong ug bulingit nga barog.
Diin bulahan igsoon kun atong parehason ang tanan nga katawhan nga moduol kanato kay wala kita masayod kun asa kanila ang anghel sa Dios, diin bulahan usab ang atong mga igsoon nga sa kanunay naghatag sa mga buhat sa kalooy ngadto sa mga sinugo sa Dios apan mas bulahan ang atong mga igsoon nga maoy gigamit sa Dios isip tubag sa atong mga pag-ampo.
5 Ug didto sa Jerusalem may nanagpuyo nga mga Judio, mga tawong masimbahon gikan sa tanang kanasuran ubos sa langit. 6Ug sa nabanha na, ang kadaghanan nanagpanugok ug sila nangalibog kay ang matag-usa nakadungog man sa mga apostoles nga naglitok sa pinulongan sa matag-usa nga nakadungog. 7Ug sila nahingangha ug nahibulong, nga nanag-ingon, "Tan-awa ra, dili ba mga Galileanhon man kini silang tanan nga nanagpanulti? 8Ug naunsa ba nga ang tagsatagsa kanato nakadungog man kanila nga nagasulti sa atong matag-kaugalingong pinulongan nga natawhan?
9Kitang mga taga-Partia, ug mga taga-Media, ug mga taga-Elam, mga molupyo sa Mesopotamia, Judea ug Capadocia, Ponto ug Asia, 10Frigia ug Panfilia, Egipto ug sa kayutaan sa Libya nga sakop sa Cirene, ug mga domoluong gikan sa Roma, mga Judio ug mga kinabig, 11mga taga-Creta ug mga taga-Arabia--kitang tanan pinaagi sa atong matag-kaugalingong mga sinultihan nakadungog kanila nga nagasugilon mahitungod sa kahibulongang mga buhat sa Dios." 12Ug ang tanan nahingangha ug nangalibog nga nanag-ingon sa usa ug usa, "Unsa man kahay buot ipasabut niini?" 13Apan dihay nanag-ingon agig bogalbugal, "Kana sila nangabasdak sa tam-is nga bino."
PAGPAAMBIT SA MENSAHE:
Ang maong ebanghelyo nagpasabot lamang nga ang tawo pagakunsaran gayud sa espiritu santo sa Dios ug ilabina kun siya nagpakabalaan sa iyang kaugalingon. Diin diha sa maong ebanghelyo nagduda ang maong mga Judio nga ang maong mga apostoles nga gikunsaran sa espiritu sa Dios kini mga hubog ug nagpataka na lamang ug istorya.
Usa kini pagtulon-an diin ang espiritu sa Dios ug ang mga buhing pulong sa Dios atong makita diha sa mga ordinaryo nga dapit ug atong mabati diha sa mga katawhan nga kadaghanan nagpakaubos diha sa ilang kaugalingon, diin gani mismo ang ilang kaugalingon nga pamilya wala motuo kanila.
Angayan gayud diay nga kita magtuki ug maghatag ug katungod o pagtugot niadtong mga katawhan nga modulo kanato ilabina diha sa buhat sa kaluoy o buhat sa pagsangyaw sa Dios kay wala kita mahibalo nga siya pinaagi sa Dios espiritu santo gipaabot ba diay sa Dios diha mismo sa atong atubangan.
Ang kinabuhi sa mga magtutuo sa Dios maoy usa ka butang nga sulondon apan malisod buhaton diin isurender nato ang atong kaugalingon sa hingpit sa Dios pinaagi sa bug-os nga pagtuo ngadto kaniya, kay matod pa daghan ang paagi diha sa pagpa-abot sa Dios diha sa iyang mga sugo ngari kanato diin kini dili nato makita pinaagi lamang sa ilang pamarog ug pamiste, diin kitang tawo moyukbo man gayud diha sa nagsilaw-silaw nga mga pamarog ug diin dedma ang mga palong ug bulingit nga barog.
Diin bulahan igsoon kun atong parehason ang tanan nga katawhan nga moduol kanato kay wala kita masayod kun asa kanila ang anghel sa Dios, diin bulahan usab ang atong mga igsoon nga sa kanunay naghatag sa mga buhat sa kalooy ngadto sa mga sinugo sa Dios apan mas bulahan ang atong mga igsoon nga maoy gigamit sa Dios isip tubag sa atong mga pag-ampo.
No comments:
Post a Comment